சட்டம் படித்த ஜின்னாவா?'தூள்' சொர்ணாக்காவா? சிந்திப்பீர்!வாக்களிப்பீர்!!

ஒரு தொகுதி-இரு வேட்பாளர்கள்- ஓர் ஒப்பீடு

ஆயிரம்விளக்குத் தொகுதியின் தி.மு.க வேட்பாளர் வழக்கறிஞர் அசன் முகமது ஜின்னா நேற்று (24.3.11) தனது வேட்புமனுவைத் தாக்கல் செய்தார். அவரது சொத்து விவரங்களில் வீடு, மனை, விளைநிலம் எதுவுமில்லை. அவர் மனைவி பெயரில் உள்ள சொத்துகள் ஒரு ஸ்கூட்டியும் பழைய டொயாட்டோ குவாலிஸ் காரும் ஆகும். ரொக்கப் பணம், நகை, இன்சூரன்ஸ் எல்லாமாக சேர்த்து அவரது சொத்து மதிப்பு சுமார் 30 லட்ச ரூபாய்.5 ஆண்டுகாலம் அரசு வழக்கறிஞராகப் பணியாற்றியும் ஜின்னா தன் பெயரிலோ மனைவி உள்ளிட்ட உறவினர்கள் பெயரிலோ எந்தவித அசையா சொத்துகளையும் வாங்கவில்லை என்பதை அவரது சொத்து விவரங்களை அறிந்த கட்சிக்காரர்களே ஆச்சரியப்படுகிறார்கள். அதிகாரத்தை முறைகேடாகப் பயன்படுத்தாமல் நியாயமாக செயல்படுபவராக உள்ள இந்த இளைஞரை, முதல்வர்கலைஞரும் துணை முதல்வர் மு.க.ஸ்டாலினும் சரியாகத் தான் தேர்வு செய்திருக்கிறார்கள் என்கிறார்கள். இணையதளம் மூலமாக இந்த சொத்து விவரங்களை அறிந்த ஆயிரம்விளக்குத் தொகுதி படித்த வாக்காளர்கள்.

அசன் முகமது ஜின்னாவை எதிர்த்துப் போட்டியிடும் அ.தி.மு.க வேட்பாளரான முன்னாள் அமைச்சர் பா.வளர்மதியும் 24ந் தேதி வேட்புமனு தாக்கல் செய்தார். அன்றைய தினம் அவர் மீதான சொத்துக் குவிப்பு வழக்கு நான்காவது அடிஷனல் செஷன்ஸ் நீதிமன்றத்திற்கு வந்தது. அங்கே ஆஜராக வேண்டிய நிலையில், அவர் சென்னை நுங்கம்பாக்கத்தில் உள்ள மண்டல அலுவலத்தில் வேட்பு மனு தாக்கல் செய்ய வந்தார். வருமானத்திற்கு மீறி 1 கோடியே 70 லட்ச ரூபாய் மதிப்பிலான சொத்து குவித்தவழக்கில் ஏப்ரல் 21ந் தேதி , வளர்மதி ஆஜராகவேண்டும் என நீதிமன்றம் உத்தரவிட்டுள்ளது.வளர்மதி மீது தாமஸ்மலை காவல்நிலையத்தில் வெடிபொருள் வழக்கும் (குற்ற எண்-775/06) நிலுவையில் உள்ளதை அவரது வேட்புமனு சுட்டிக்காட்டுகிறது.

ஆயிரம் விளக்குத் தொகுதியின் வாக்காளர்கள் இரண்டு வேட்பாளர்களையும் எடைபோட்டு பார்த்துக் கொண்டிருக்கிறார்கள்

சிந்திப்பீர்!
வாக்களிப்பீர்!!
நமது சின்னம் உதயசூரியன்!!!